Дорнод аймаг өнгөрсөн онд татварын орлогын төлөвлөгөөгөө 148 хувиар давуулан биелүүлсэн байна.

Мөн аймгийн ДНБ 1.6 хувиар өсжээ. Тодруулбал, Дорнод аймгийн дотоодын нийт бүтээгдэхүүн 2022 онд 943 тэрбум, 2023 онд 1 их наяд 105 тэрбум төгрөгт хүрч байсан буюу нэг хүнд ногдох ДНБ 13.2 саяас 15.3 сая төгрөг болж өсөж байсан юм.

Харин энэ онд аялал жуулчлал, хөдөө аж ахуй, боловсролын салбарын үйл ажиллагааг олон нийтэд сурталчлан түгээх, цар хүрээг нь тэлж ажиллахад анхаарахыг аймгийн Засаг дарга үүрэг болголоо. Дорнод аймаг боловсролын салбартаа хамгийн их хөрөнгө оруулалт хийж, томоохон төсөл хөтөлбөрүүдийг хэрэгжүүлдэг. Түүнчлэн урд, хойш хөрштэйгээ таван боомт, агаарын нэг боомтоор харилцдаг учраас энэ жил аялал жуулчлалыг хөгжүүлэхэд анхаарал хандуулна хэмээн онцлов.

Энэ онд нийт мал сүрэг 2.7 сая толгойд хүрчээ.