Монголын эмэгтэйчүүдийн холбооноос санаачлан хэрэгжүүлж буй “Хавдаргүй Монгол эмэгтэй” нийгмийн зорилтот төсөл Дорнод аймагт энэ сарын 25-ны өдөр нээлтээ хийж, төслийн багийн эмч нар хөдөөгийн сумдаар үзлэг оношилгоо хийх юм 

Орон даяар хэрэгжиж байгаа уг төслийн хүрээнд хавдрын нарийн мэргэжлийн эмч нарын бүрэлдэхүүнтэй баг хавдраас урьдчилан сэргийлэх үзлэг оношилгоог дөрвөн аймгийн 17 мянга гаруй иргэдэд хийж, 300 гаруй тохиолдлыг илрүүлэн дээд шатлалын байгууллагад шилжүүлжээ.

Дорнод аймагт 2025 оны 04 дүгээр сарын 25-аас 05 дугаар сарын 15-ний хооронд хуваарийн дагуу сумдад ажиллах тул иргэдийг үзлэг оношилгоонд идэвхтэй хамрагдахыг уриалж байна.