Тоологдсон малын 10 хувьд дахин хяналтын тооллого зохион байгуулна

2025-12-11
Аймгийн хэмжээнд хүн амын шинэчилсэн бүртгэл болон өмчийн бүх хэлбэрийн мал, тэжээвэр амьтдын жилийн эцсийн тооллогыг 2025 оны 12 дугаар сарын 07-17-ны өдрүүдэд зохион байгуулж буй.
Үүнтэй холбогдуулан аймгийн мал тооллогын комиссын гишүүд хуралдаж аймгийн Засаг даргын орлогч Ч.Ганбат тооллогын ажлын зохион байгуулалт, чанар, үр дүнг хангах талаар дараах үүрэг чиглэлийг өгчээ. Тодруулбал , аймгийн комисс  сумдын нийт тоологдсон малын 10 хувьд дахин хяналтын тооллого зохион байгуулах юм. Мөн 

-Сумын мал тооллогын комиссын түлш, шатахуун болон тулгамдсан асуудлуудыг шийдвэрлүүлэхэд дэмжлэг үзүүлэх,
-Отор, нүүдэл, тавиул мал, амьтдын бүрэн хамрагдалтад хяналт тавих,
-Гэрийн тэжээвэр амьтан, гахай, шувуу, зөгий зэрэг бүх ангиллыг тооллогод бүрэн хамруулах нөхцөлийг хангах,
-Өндөр ашиг шимт, цэвэр эрлийз малын тооллогын үнэн зөв байдлыг шалгах,
-Өрхийн малын тооллогын хуудас малчны өрхөд зөв үлдсэн эсэх, хяналтын тооллоготой тохирч байгаа эсэхийг баталгаажуулах,
-Хөдөө аж ахуй болон суурин газрын өвөлжилтийн нөхцөл байдлыг газар дээр нь шалгаж, нэгдсэн удирдлагаар хангах,
-Сумын отор нүүдлийн зураглал, техник хэрэгслийн бэлэн байдлыг үзэж танилцах,
-Сумын ШТС-уудын бодит шатахууны нөөцийн судалгааг гаргуулан авах,
-Гар утасны аппликейшн ашиглан туршилтын мал тооллогыг малчин өрхийн хотонд зохион байгуулж, мэдээллийн үнэн зөвийг баталгаажуулахыг үүрэгдсэн байна. 

Сэтгэгдэл бичих:

Илгээх