Халх гол сумын ЕБС-ийн халаалт зогсож, хүүхдүүд цахимаар хичээллэж байна гэх мэдээлэл цахим орчинд түгсэн. Дээрх асуудлын мөрөөр Халх гол сумын ЕБС-ийн захирал Д.Урантогостой холбогдлоо.

Халхгол сумын уурын зууханд эвдрэл гарснаас болж, сумын Онцгой комиссоос 2024 оны 12 дугаар сарын 20-ны өдөр өндөржүүлсэн бэлэн байдал зарлажээ. Аймгаас ажлын хэсэг гарч мэргэжлийн инженерүүд эвдрэлийг засварлахаар ажиллаж байна.  

Үүсээд буй нөхцөл байдалтай холбоотойгоор сумын Онцгой коммиссын шийдвэрээр II/03-ныг хүртэл Халх гол сумын ЕБС-ийн сурагчид цахимаар хичээллэнэ гэв. 

Тус сумын сургууль 2024-2025 оны хичээлийн жилд 420 сурагч, 54 багш, алба хаагчидтай ажиллаж байна. Сумын иргэдээс энэ талаар тодруулахад, тус сургууль анх ашиглалтад  орсон цагаасаа өвлийн улиралд халаалт дулааны асуудал нь хэцүү байсан тухай ярьж байна.