E замаар - хамтран ажиллаж, хөгжилд цугтаа урагшилъя" Монгол, Хятадын цахим хэвлэл мэдээллийн сэтгүүлчдийн Гуандүн, Өвөр Монгол дахь хамтарсан сурвалжилгын арга хэмжээ 12 дугаар сарын 2-ны өдөр Хятад улсынГуанжөү хотод нээлтээ хийлээ.

Монголын Сэтгүүлчдийн Нэгдсэн Эвлэл, ӨМӨЗО-ны Ардын засгийн газрын Хэвлэл мэдээллийн албанаас санаачлан зохион байгуулж, Монголын Сайтын Холбоо, Монголын Үндэсний Сайтын Хөгжлийн Нэгдсэн Холбоо, Өвөр Монголын Интернэт мэдээллийн албанаас дэмжин зохион байгуулж байна.

Монгол Улсаас news.mn, mass.mn, zuv.mn, live.mn, ivoice.mn, polit.mn, Дорнод аймгийн Taliinanir.mn сайт, zarig.mn, zangia.mn сайтын сэтгүүлчид болон Хятадын талаас Лавлалт мэдээ, Ардын сүлжээ, Синьхуа нэт, Хятадынсүлжээ, Гуандүн муж, ӨМӨЗО-ны 12 хэвлэлмэдээллийн байгууллагын нийт 30 гаруй сэтгүүлчид оролцож  байна.

Сурвалжилгын арга хэмжээний үеэр Монгол, Хятадын цахим хэвлэл мэдээллийн сэтгүүлчид Гуандүн мужийн Гуандүн-Хонконг-Макаогийн их булангийн амьдрал, эрүүл мэндийн аж үйлдвэрийн инновацын бүс, Юн Чин Фан, Пажөү хиймэл оюун ухаан ба дижитал эдийн засгийн туршлага, сурталчилгаа, чадавхжуулах төв, Юньде технологи, Хүйтянь агаар, сансрын технологи, Шяома ухаалаг аялал, BYD, Жүнчин болон UBTECH, Өвөр Монголын Олон улсын монгол эмнэлэг, Мэннью групп, Цахилгаан эрчим хүчний групп, Эрээн хотын боомт зэрэг аж ахуйн нэгжүүдээр зочлон, шинжлэх ухаан технологийн инновац, хиймэл оюун ухаан, био эм бэлдмэл, уламжлалт соёлын хамгаалалт ба уламжлал, хятад, монгол эм эмнэлэг, цахилгаан эрчим хүч, сүүн бүтээгдэхүүний үйлдвэрлэл, боомтын бүтээн байгуулалт зэрэг сэдвийн тойронд сурвалжилга бэлтгэх болно.