2024 оны 12-р сард ам.долларын ханш 2023 оны мөн үеийнхээс харьцангуй суларч 3466-аас 3389 төгрөгт хүрсэн билээ.

Гэсэн ч он гарснаас хойш тогтмол өсөж ирсэн ам.долларын ханшийн өсөлтөд нүүрсний экспорт суларсантай холбоотой хэмээн салбарын сайд нь тайлбарлаж байв.

Монголбанкнаас тогтмол интервенц хийхээс гадна Засгийн газраас уул уурхайн бүтээгдэхүүний экспортыг нэмэгдүүлэх, түүнчлэн үнэт металлын худалдан авалтыг нэмэгдүүлэх зэрэг тодорхой арга хэмжээ авсан.

2025 оны 9-р сар хүртэл ам.долларын ханш тасралтгүй өссөөр төгрөгийн ханш суларч, ам.доллар Монголбанкны нэрлэсэн ханшаар 3593 төгрөг, валют арилжааны төвүүдэд 3610 төгрөгт хүрээд байсан билээ.

Харин 10-р сараас ам.долларын ханшийн өсөлт харьцангуй саарсан бөгөөд Уул уурхайн биржээр арилжаалах нүүрсний экспорт нэмэгдсэн төдийгүй валютын нөөцийг 6 тэрбум ам.долларт хүрсэн талаар Засгийн газраас мэдээлж ийн төгрөгийн ханш эргэн чангарч байна.

11-р сарын байдлаар ам.доллар Монголбанкны нэрлэсэн ханшаар 3585 төгрөг бол арилжааны банкуудад ам.доллар 3596-3598 төгрөгийн хооронд арилжаалагдаж байна. Ингэснээр он гарснаас хойш анх удаа ам.долларын ханш 5-10 төгрөг орчмоор сулрав.