Өнөөдөр удирдах ажилтны шуурхай хуралдаанд аймгийн Иргэний Нийгмийн Байгууллагуудын зөвлөлөөс “Жендэрийн үзэл баримтлалыг орон нутгийн төрийн байгууллагын бодлого төлөвлөлт, төсөвлөлтөд хийсэн ажлын үнэлгээ”,Татварын газраас “Татварын орлогын гүйцэтгэл”-ийн мэдээллийг тус тус танилцуулав.

Аймгийн Засаг дарга Ш.Ёл танилцуулсан мэдээлэл болон цаг үеийн нөхцөл байдалтай холбогдуулан үүрэг өгчээ.

1. Аймгийн Засаг даргын 2022 оны А/25 дугаар “Журам шинэчлэн батлах тухай” захирамжийн 5.2 дахь хэсэгт заасны дагуу аймаг, орон нутагт тулгамдаж байгаа цаг үеийн шинжтэй, шуурхай шийдвэрлэх шаардлагатай мэдээллийг 5-10 минутад багтаан Удирдах ажилтны шуурхай хуралдаанд танилцуулж байхыг нийт байгууллагын удирдлагуудад,
2. Улсын чанартай авто зам доогуур инженерийн шугам сүлжээ сүвлэх зорилгоор авто зам сэтэлсэн ажлыг хэвийн хэмжээнд оруулах талаар Зам тээврийн яамны харъяа Авто замын бодлого, зохицуулалтын газарт албан бичиг хүргүүлэхийг аймгийн Засаг даргын тамгын газрын Бүс, орон нутгийн хөрөнгө оруулалт, бодлого, төлөвлөлтийн хэлтсийн дарга, аймгийн Газрын харилцаа, барилга, хот байгуулалтын газрын дарга нарт,
3. “Аж ахуйн нэгжийн орлогын албан татварын тухай” хуульд өөрчлөлт орсонтой холбогдуулан аж ахуйн нэгжүүдтэй энэ 7 хоногт багтаан уулзалт зохион байгуулж ажиллахыг аймгийн Татварын газрын даргад,
4. Томуу, томуу төст өвчнөөс урьдчилан сэргийлэх зөвлөмжийг орон нутгийн телевиз, хэвлэл мэдээллийн хэрэгслүүдээр иргэд, олон нийтэд хүргэж ажиллахыг аймгийн Эрүүл мэндийн газрын даргад, ерөнхий боловсролын сургууль, цэцэрлэгүүдийн ариутгал, халдвар хамгааллын байдалд хяналт тавьж ажиллахыг аймгийн Боловсролын газрын даргад,
5. Өвөлжилтийн нөхцөл байдалтай холбогдуулан тундасны хэмжээ их хэмжээгээр орсон сумдын газар нутгийг нарийвчлалтай гаргаж танилцуулахыг аймгийн Ус, цаг уур, орчны шинжилгээний төвийн даргад, эрсдлийн үнэлгээ хийх мэдээллийг аймгийн Онцгой комиссын хурлаар хэлэлцүүлэхийг аймгийн Онцгой байдлын газрын даргад, отор нүүдэл хийх газар нутгийн нарийвчлал, тунадас ихээр орсон сумдын малчин өрхүүдийн судалгаа гаргаж танилцуулахыг аймгийн Хүнс, хөдөө аж ахуйн газрын даргад, хяналт тавьж ажиллахыг аймгийн Засаг даргын орлогчид,

Аймгийн Засаг даргын орлогч Ч.Ганбат цаг үеийн нөхцөл байдалтай холбогдуулан дараах үүрэг даалгаврыг өгөв. Үүнд:

1. Хүйтний эрч чангарч байгаатай холбогдуулан ахуйн гал түймрийн эрсдлээс урьдчилан сэргийлж ажиллахыг сумдын Онцгой комисс, нийт байгууллагын удирдлагуудад, мэргэжил арга зүйн дэмжлэг үзүүлж ажиллахыг аймгийн Онцгой байдлын газрын даргад,
2. Хүүхдийн болзошгүй аюулаас урьдчилан сэргийлэх зорилгоор нийтийн эзэмшлийн гудамж, талбайн аюулгүй байдалд эрсдлийн үнэлгээ хийж, мэргэжлийн байгууллагуудтай хамтарч ажиллахыг холбогдох байгууллагын удирдлагуудад,
3.  Хүн ам, орон сууцны 2025 оны завсрын тооллого улсын хэмжээнд зохион байгуулагдаж байгаатай холбогдуулан “E-Mongolia” цахим системээр албан хаагчдыг бүрэн хамруулахыг нийт байгууллагын удирдлагуудад, ажлыг эрчимжүүлэхийг аймгийн Статистикийн хэлтсийн даргад тус тус үүрэг болгов.