Аймгийн Засаг даргын дэргэдэх агентлагууд чиг үүргийн хүрээнд цаг үеийн нөхцөл байдалтай холбогдуулан мэдээлэл танилцуулдаг “Удирдах ажилтны шуурхай хуралдаанд Эрүүл мэндийн газраас “ Томуу, томуу төст өвчин, улаанбурхан өвчний нөхцөл дархлаажуулалтын явц”, Цагдаагийн газраас 10 дугаар сарын гэмт хэрэг, зөрчлийн нөхцөл байдал” –ын талаар  мэдээлэл танилцуулав.

Дээрх мэдээлэлтэй холбогдуулан аймгийн Засаг даргын орлогч Ч.Ганбат агентлагийн удирдлагууд ой хээрийн түймрээс урьдчилан сэргийлэх, хадлан тэжээл, ургац хураалт, отор нүүдэл, өвөлжилтийн бэлтгэл, бэлэн байдлыг хангах зэрэг 7 үүргийг өгчээ. Тодруулбал

- Ой, хээрийн түймрээс урьдчилан сэргийлэх ажлыг эрчимжүүлж, сумын Онцгой комисс, мэргэжлийн ангиудын төлөвлөгөөнд тодотгол хийж, бэлтгэл бэлэн байдлыг хангах, салбар хоорондын ажлын уялдаа холбоог хангаж ажиллах,

- “Тэрбум мод” үндэсний хөдөлгөөний хүрээнд энэ намрын мод тарих ажилд онцгой анхаарч, аж ахуйн нэгж, иргэд, олон нийтийг татан оролцуулж, сайн туршлагыг олон нийтэд түгээн сурталчлах нөлөөллийн ажлыг зохион байгуулах, төлөвлөгөөнд тусгагдсан ажлыг эрчимжүүлж, хэрэгжилтийг хангах

- Салбар бүр иргэд, олон нийтээс сэтгэл ханамжийн судалгаа авч, өөрийн үйл ажиллагаанд тусгаж ажиллах

- Иргэд, олон нийтийг соён гэгээрүүлэх олон талт арга хэмжээг бүх түвшинд зохион байгуулж ажиллах

- Сум, аймаг, бүс, улсын хэмжээнд хэмжээнд зохион байгуулж буй байгаа аливаа эвент, арга хэмжээнд ач холбогдол өгч, төлөвлөгөө боловсруулж, төлөвлөгөөний хэрэгжилтийг үр дүнтэй зохион байгуулах

- Монгол Улсад хүүхдийн байгууллага, хөдөлгөөн үүсэж хөгжсөний түүхт 100 жилийн ойн арга хэмжээнд хамтран ажиллаж, идэвх санаачилгатай оролцох

- Хадлан тэжээл, ургац хураалт, отор нүүдэл, өвөлжилтийн бэлтгэл, бэлэн байдлыг хангах ажлыг үр дүнтэй зохион байгуулж ажиллахыг холбогдох мэргэжлийн байгууллага болон нийт агентлагийн дарга нарт хариуцуулан үүрэгджээ.