Энгийн хог хаягдлыг ачих, тээвэрлэх үйлчилгээний гэрээ байгуулах тухай

Хэрлэн сумын Засаг даргын тамгын газраас Монгол Улсын Үндсэн хууль, Татварын ерөнхий хууль, Хог хаягдлын тухай хууль, Байгаль орчныг хамгаалах тухай хууль, Хэрлэн сумын иргэдийн Төлөөлөгчдийн Хурлын 2023 оны 06 дугаар сарын 30-ны өдрийн 14/01 дүгээр тогтоолоор батлагдсан “Хог хаягдлыг тээвэрлэх, санхүүжүүлэх, үйлчилгээний хураамжийг төвлөрүүлэхэд мөрдөх журам”-ийг тус тус үндэслэн Хэрлэн сумын нутаг дэвсгэрт үйл ажиллагаа явуулж буй аж ахуйн нэгж, байгууллага, хувиараа хөдөлмөр эрхлэгч, иргэд, оршин суугчидтай хог хаягдлыг ачих, тээвэрлэх үйлчилгээний гэрээг шинэчлэн байгуулах ажлыг эхлүүлж байна.

Гэрээ байгуулж байгаа аж ахуйн нэгж, байгууллага, хувиараа хөдөлмөр эрхлэгч, иргэд, оршин суугчид хуулиар хүлээсэн үүргээ биелүүлэн, хог хаягдлын үйлчилгээний хураамжийг тогтоосон хугацаанд төлснөөр хог хаягдлын менежментийг хэрэгжүүлэх, орчны бохирдлыг бууруулах, байгаль орчноо хамгаалах, хотын иргэдийн маань аюулгүй орчинд амьдрах эрх баталгаажих чухал ач холбогдолтой юм.

Иймд та бүхэн өөрийн оршин суугаа харьяаллаар багийн Засаг даргын ажлын албадад хандана уу.

Бүрдүүлэх материал: • Иргэд иргэний үнэмлэх, иргэний үнэмлэхийн лавлагаа (Еmongolia)

• Аж ахуйн нэгж байгууллага улсын бүртгэлийн гэрчилгээ

• Харилцах утас, байршлын мэдээлэл